Жоспар бойынша алдымен кинотеатрды аралап, экранға шыққан «Етік киген мысық. Соңғы тілек» фильмін тамашаладық. Фильмді тамашалаған балалар фильмді талқылап, алған әсерлерімен бөлісті. Келесі кезекте жоспар бойынша спорт сарайындағы мұз айдынында болдық. Негізінен барлық балалар конькиге бірінші рет тұрғанымен, тез үйреніп, мұзда өздерін жаман ұстаған жоқ. Сапардан кейін көптеген жағымды әсерлер қалды. Балалар мұз айдынындағы жеңістері мен сәтсіздіктерін ұзақ талқылады. Бірақ кімнің қалай сырғанағанына қарамастан, бәрі өте риза болды.
