«Права и обязанности гражданина Республики Казахстан» 8-10 сынып оқушыларына арналған дөңгелек үстел
1 желтоқсанда "Смирнов №1 орта мектебі" КММ-де «Права и обязанности гражданина Республики Казахстан» тақырыбында дөңгелек үстел өтті, оған 8-10 сынып оқушылары және қонақтар қатысты: қорғаншылық және қамқоршылық бөлімінің маманы Г. М. Туякова ,балалар құқық қорғаушысы Данияр Кудьяров, директордың тәрбие ісә жөніндегі орынбасары Л. Т. Кыдыкова. Дөңгелек үстел барысында Қазақстан Республикасының әрбір азаматының құқықтары мен міндеттерінің өзекті мәселелері талқыланды, Бала құқықтары туралы конвенция баптарының негіздері, Қылмыстық және әкімшілік кодекстер қаралды. Гүльум Мухамеджановна балаларды әкімшілік және қылмыстық кодекстің жасөспірімдердің міндеттеріне қатысты жекелеген баптарымен таныстырды, Аққайың ауданында жасөспірімдердің заңды бұзған жағдайлары, сондай-ақ олардың заңды өкілдері және одан кейінгі зардаптар туралы айтып берді. Әлеуметтік педагог К. К. Касенов Бала құқықтары туралы Конвенцияны, жер бетіндегі барлық балалардың бірдей құқықтарға ие болуына бағытталған құжаттың негізгі ережелерін еске салды. Кудьяров Данияр балалардың құқық қорғаушысы ретінде жүргізіліп жатқан қоғамдық жұмыстар туралы айтып берді. Оқушылар шетте қалмады, әркім өз көзқарасын білдірді. Балалардың басқа адамдардың құқықтарын бұзбауға және өз құқықтарын бұзуға мүмкіндік бермейтін құқықтық хабардарлығы бар екені анық. Іс-шара соңында Л. Т. Кыдыкова оқушыларға қоштасу сөздерін берді, ал психолог Д. А. Дракина "Весы правосудия" рефлексиясын өткізді. Соңында барлығв жалпы суретке түсті.
